Hvað með N-orðmanninn ?

Hvað kostaði "norski lygamörðurinn" ? (eða "morðmaður orða" - því hann er víst ekki hernaðarséfræðingur heldur bara einhver kall sem vann/vinnur hjá Glitni,hringdi í Geir og sagðist vilja hjálpa til við að plata okkur, hann væri jú vanur!)

350 milljónir í ráðgjöf og almannatengsl

Hér er mynd af henni í fötum... ;)

 

 

 

Carla Bruni-Sarkozy fer fram á skaðabætur

Nafnasamkeppni! ;)

Hvað gæti þessi "Nýji-Bónus" heitið ?

- SULLENBERGER'S  (eða jafnvel THEE SULLENBERGER'S)

- FLORIDA

- CLUB 101

- EVRAN  ( ...í samkeppni við Krónuna þegar Bónus fer á hausinn)

-    ?

Hyggst stofna lágvöruverðsverslun

Andskotinn!

......ég var svooooo viss.

Alexandra ekki í úrslit

Hin helgu vé

Ég var að velta fyrir mér vali mbl.is á myndinni sem fylgir "andmælunum" (eins og Hörður kallaði mótmæli dagsins) á Austurvelli í dag, því þar voru ekki bara Neyðarstjórn Kvenna (Vinstri Bleikar?) sem voru með gjörning heldur var Hörður sjálfur með súrrealískt ártala-upptal á mínútu fresti (svo súrt var það að við upplestur á "1991" þá sprakk ung mær úr hlátri svo það ómaði um allan Austurvöll) plús það, að það voru töluvert fleiri mótmælendur á staðnum en þessi mynd segir til um...

Auðvitað eru Tómasardætur á myndinni alveg gull-fallegar (vantaði bara Þóru til þess að lýsa upp svæðið) en kannski vildi mbl.is spyrða mótmælin í heild sinni við þessa ákveðnu framtíðarstefnu sem þessar undurfögru (og flug-greindu!) kvenMenn aðhyllast (sem sagt að mbl.is vildi skilgreina mótmælin á Austurvelli fyrir okkur svo við getum ákveðið hvort við tækjum þátt í þeim í framtíðinni?)

En svo allt í einu átta ég mig á að myndvelj-andinn hefur malað þessa skák!

Í eldinum sem konurnar hafa kveikt má sjá Óðinn, hinn gamla guð landsins materíaliserast! Það fer ekki á milli mála að þarna er andlitssvipur hans jafn skýr og skyr á jakkafötum Geirs Hilmars!

 

Eru Tómasdætur ekki bara ramm-pólitískar, heldur ramm-göldróttar í þokkabót! ??? Og þá svona miklu göldróttari en Mamma Hauks? (sem gamli Dímoninn náði að svæfa áður en hún gat stunið upp þulunni... hún er náttúrulega, að eigin sögn, norn Mammons, svo það var nokkuð fyrirséð að hún færi ekki að særa út neina anda úr Seðlabankanum!)

Ef grunur minn reynist réttur ættu þeir sem ekki tóku ábyrgð á gjörðum sínum og vangjörðum að fara að vara sig! Hin helgu vé hafa verði aurugum fótum troðin og þursar halda til Valhöll. Óðinn mun kenna þeim Hávamál.

Líklegt er að Þór mæti á svæðið til þess að rakskella marvel-blaða-sölu-drenginn sem fer f-ljúgandi um heiminn á hans merkjum!

Pabba drengsa tekur svo Loki því Loki á lokaorðið í öllu sem snýr að lævísi og plotti. Loki sendir svo börnin sín á restina sem existerar... og þó fyrir utan einn hópinn; Hringadrottnararnir fá að vinna í Bónus það sem eftir er og "pressjus"-emjandi kvikindið úr Lord of The Rings les Hringadróttinssögu upphátt á pólsku fyrir þá til að drepa tímann!

Vekjaraklukka fyrir stjórnvöld

Einkennisbúningur sofandi þjóðar...

Ég skil ekki hvað yfirvöld í Kína eru að kvarta yfir því að fólkið gangi um í náttfötum ? Þau (yfirvöld) eru búin að að halda fólkinu sofandi síðastliðna ára tugi svo það hlýtur að ruglast aðeins í ríminu af og til. ...eða þar til hin Hegelíska mótflétta kemur til skjalana og vekur alla upp með andfælum!

P.S. Kínverski "andinn" er svona sirka 3ja ára um þessar mundir (á meðan Norður-Ameríka er um 7ára). Hann er rétt byrjaður að labba (og babla) og er til alls vís þegar hann byrjar að líta í kringum sig. Ekki má gleyma því að forfaðir hans (þ.e.a.s. Andans) var á ansi háu stigi þegar hann var dreginn inn á nýjan leik. Þessi verður all svakalegur og líklega uppnefndur "Drekinn".

Herferð gegn náttfötum

Kanarífuglinn tístir...

"...næstum var verið að fremja á okkur þjóðarmorð.", segir Guðni.

Þvílíkur samanburður hjá manninum. Við erum kannski í nokkuð slæmri stöðu hér á landi, en það er ekki verið að leiða fólk inn í gasklefana! Og aðferðin sem Guðni ætlaði að nota til að koma þessu á framfæri var að segja sig úr NATÓ !!

Ja... Stundum er kannski gott að hafa ákvarðanafælna menn í æðstu stöðum!?

 

Hefði jafnvel átt að segja Ísland úr NATÓ

Ætli lögreglan sé búin að leita hjá "John Stones" ?

Nei mikið get ég verið vitlaus! Þótt að hann hafi talið að þessi gaur ætti að vera frjáls ferða sinna að þá tæki hann örugglega þá almennu skynsemisákvörðun að hleypa manninum ekki heim til sín! Hvað þá að láta hann sækja sömu salernisaðstöðu dætur sínar...

	Hefur ekki enn fundist
Ábyrgðarmaður færslu Tenging við þessa frétt hefur verið rofin vegna kvartana.

Úff! Ég hélt að núna væri vatnið okkar...

...farið að drepa líka. Það hefði bara ekki verið á það bætandi. Svo datt mér líka í hug Jón Ólafsson og hvort hann bæri ábyrgð á þessu... Hann virðist ekki vera búinn að rústa öllu eins og hinir útrásarvíkingarnir enda bara með vatn! (og þá datt mér einmitt í hug að... já, þú skilur.)

Lést vegna ofneyslu vatns

Er þetta myndin ?

Já ,já. hún Jósefína er fín. (og Napóleon ekki síður hehehe)

Carla Bruni stöðvar nektarmynd

Ó! Ég hélt að þessi frétt væri um...

Joe The Plumber ...en auðvitað eru kosningarnar yfirstaðnar og það yrði engin frétt. En þá spyr ég: Hver útdeildi þessum pípulagningamanni viðskeytisréttinum "-inn" eins og að hann sé eitthvað frægur ???

Réttur haus á þessa frétt væri auðvitað:  Pípulagningamaður sakfelldur fyrir líkamsárás    ...sem er bæði styttri og sannarlegri.

Pípulagningamaðurinn sakfelldur fyrir líkamsárás

Einsama Vestrið

Þegar ég sá þessa frétt um að skipt hafi verið á leikhúshnífi og raunverulegum, með fyrrgreindum afleiðingum, þá minnti það mig á óþægindatilfinninguna sem ég fékk í Borgarleikhúsinu á dögunum.

Þar sá ég verkið Vestrið eina þar sem alvöru haglabyssu er sveiflað um salinn. Þá datt mér það í hug að kannski hefði einhver illvirkinn komið fyrir alvöru haglaskoti í byssunni og að þegar karakterinn í leikritinu hleypti af... Þetta var svona viðauki á spennuna í sjálfu leikritinu og alls ekki vond upplifun þannig séð ;)

Annars var þetta gríðarlega gott leikrit og leikararnir voru allir frábærir. Það eina sem setja má út á er þýðingin á heiti verksins: The Lonesome West varð að Vestrið eina.  Sjálfum fyndist mér Einsama Vestrið vera nær upphaflegri merkingu. Ætli sömu mennirnir og þýða titlana fyrir sjónvarp og bíó hér á landi (oft með hroðalegum afleiðingum!) séu að koma sér fyrir í leikhúsinu ??

Skar sig á háls á sviðinu

Miðað við það stóra vopnasafn sem nýverið fannst í Grikklandi...

Það lítur útfyrir hörð átök í Aþenu á næstunni ef miðað er við það stóra vopnasafn sem nýverið fannst í Grikklandi... Þá meina ég ekki endilega að vopnin sem slík verði notuð af mótmælendum/valdhöfum heldur að skondin tímasetning þessa ótengdu atburða bendi til að um mannkynssögufléttu af stærri gráðunni sé um að ræða?

Götubardagar boðaðir í Aþenu

Ætli við finnum eitthvað á Þingvöllum ?

Miðað við það að í dag var boðað til götubardaga í Aþenu þá kemur þetta vopnasafn sér vel. Ætli við finnum eitthvað á Þingvöllum bráðlega sem nýtist á svipaðan hátt ?

Gamalt vopnasafn finnst í Grikklandi

Þögn er sama og samþykki...

"...er fólk hvatt til að líta til Alþingishússins, lúta höfði og hafa þögn í nákvæmlega 17 mínútur."

Ég er ansi hræddur um að þetta séu mikil mistök.

Sjálfum langar mig ekki að þegja eða lúta höfði eins og í kaþólskri messu heldur öskra "já!" og klappa fyrir góðum ræðum, s.s. fá ákveðna útrás fyrir uppsafnaða óánægju liðinnar viku. Ég vona að þetta nýja útspil virki ekki eins og Ástþórs-próf Borgarafundarstjóra (og kjaftshöggið í bílstjóramótmælunum) - að trúverðugleikinn fjúki á brott, því maður hlýtur að spyrja sig hvort maður sé hættur að vera mótmælandi og komin í einhverskonar sértrúarsöfnuð.

P.S: Hörður gleymdi(?) að fara með hópkallið "viljum við xxx burt?"  síðasta laugardag... Það olli mér álíka vonbrigðum fækkun fundargesta...

N.B: Auðvitað mæti ég næsta laugardag og ég mun þegja í þessar 17 mínútur (án þess þó að lúta höfði ) en eftirá mun ég meta það hvort ég leggi mitt "viðstaddslega" atkvæði við þennan arm mótmælanna - þótt ekki sé um auðuga grasrót að gresja.

Næsta skref (sálarhjálplega séð) er kannski bara það að afneita þessari þjóð sem ekki einusinni getur mætt á mótmæli gegn þeim sem hafa selt hana í ánauð. Það að einfaldlega mæta niður á Austurvöll á laugardögum hefur verið einföld leið til þess að minnta kosti að gera EITTHVAÐ! en ekki EKKI NEITT Og það er fremur þessvegna (vegna fjölda þeirra sem gera EKKI NEITT) sem ég get ekki lengur sagt að ég sé stoltur yfir því að vera Íslendingur en ekki vegna þess að einhverjir útrásarvíkingar fóru rænandi og ruplandi um Evrópu.

Þögul mótmæli á Austurvelli