Vandræðin næst!? (úps!)

Ég sér fyrir mér vandræðalegt kaffiboð á Bessastöðum einhvern tíman í framtíðinni...

(það er kannski enn hægt að kaupa eggið á ebay og hafa það tilbúið ???)

 

Gjöfin til Hillary fór á 115 þúsund

Þriðji "kúrekahatts-kallinn" afhjúpaður!

Þetta er a.m.k. þriðji kúrekahatts-kallinn sem hefur verið afhjúpaður upp á síðkastið.

Hinir tveir voru "Lögfræðingurinn" og "Guðmundur í Byrginu".

Kannski á "DV-kallinn" ekki heima þarna með hinum, miðað við alvarleika brotanna, en það var subbulegt þegar hann reyndi að láta líta út sem blaðamaðurinn ungi væri ekki starfi sínu vaxinn í fyrri varnargrein sinni í dag.

Hefði Reynir sleppt þessu útspili þá hefði blaðamaðurinn e.t.v. ekki þurft að spila samtalið fyrir alþjóð og Reynir ekki bara opinberað sig með ósæmræminu við varnarspili hans fyrr í dag, óafvitandi um upptökuna, heldur gaf hann okkur dýpri sýn á sjálft málið ("stop the press") og þá karaktera sem koma að því (og hvernig Reynir hugsar til þeirra!)

Nú er bara spurningin hvað "gamli-refur" gerir í stöðunni !?  Reynir talaði ansi digurbarkalega um "þann djöful" í hinu dramatíska kastljóss-samtali (úps! Reynir, nú steigst þú í djúpann skít!)

P.S. Hvað er þetta með að vera með kúrekahatt á vorum tímum? 

Íhugar málsókn gegn Kastljósi

Er þetta er ekki þjóðin ?

Það er möguleiki á að Ingibjörg Sóló-rún gæti farið að taka mótmælin alvarlega uppúr þessu!

Ef þetta er ekki íslenska þjóðin (syngjandi-saumandi konur með ullarhúfur) þá er hún ekki til.

Koma svo Ingibjörg! Láttu fjarlægja kubbinn og komdu til jarðarinnar á ný!

(og Hallgrímur.... þú veldur mér og fleyrum miklum vonbrigðum með sjónleysi þínu... snúðu við áður en skáldagyðjan sjálf fær leið á þér, þú áttir að vera löngu búinn að endurskilgreina samfylkinguna á þinn listilega hátt en ekki verða ritstýfldur þegar kemur að "þínum". )

Óvenjuleg mótmæli

Er ekki greinilegt að nektarmyndin af Cörlu...

...hafi gert manninn frávita af ást og hann ekki séð annað fært en að flytja inn til hennar með vopnavaldi ef þörf krefði... Annars getur líka verið að ástæða þessarar tilraunar mannsins hafi verið sú að hann hafi áttað sig á því að stækkun ESB (sem var efni fundarinns sem fram fór í höllinni) er í raun vannýtt áhyggjuefni og að kannski tækist honum að koma einhverjum til þess að hugsa um þetta í "hættulegu samhengi" ?

Reyndi að brjótast inn í frönsku forsetahöllina

Guð bannaði nú IDOL á sínum tíma...

...í boðorði nr. 2 bannar Guð dýrkun á skurðgoðum (IDOL á ensku).

sjá nánar:

http://en.wikipedia.org/wiki/Idolatry

 

 

Simon Cowell frægari en Guð

Hvað með N-orðmanninn ?

Hvað kostaði "norski lygamörðurinn" ? (eða "morðmaður orða" - því hann er víst ekki hernaðarséfræðingur heldur bara einhver kall sem vann/vinnur hjá Glitni,hringdi í Geir og sagðist vilja hjálpa til við að plata okkur, hann væri jú vanur!)

350 milljónir í ráðgjöf og almannatengsl

Hér er mynd af henni í fötum... ;)

 

 

 

Carla Bruni-Sarkozy fer fram á skaðabætur

Nafnasamkeppni! ;)

Hvað gæti þessi "Nýji-Bónus" heitið ?

- SULLENBERGER'S  (eða jafnvel THEE SULLENBERGER'S)

- FLORIDA

- CLUB 101

- EVRAN  ( ...í samkeppni við Krónuna þegar Bónus fer á hausinn)

-    ?

Hyggst stofna lágvöruverðsverslun

Andskotinn!

......ég var svooooo viss.

Alexandra ekki í úrslit

Hin helgu vé

Ég var að velta fyrir mér vali mbl.is á myndinni sem fylgir "andmælunum" (eins og Hörður kallaði mótmæli dagsins) á Austurvelli í dag, því þar voru ekki bara Neyðarstjórn Kvenna (Vinstri Bleikar?) sem voru með gjörning heldur var Hörður sjálfur með súrrealískt ártala-upptal á mínútu fresti (svo súrt var það að við upplestur á "1991" þá sprakk ung mær úr hlátri svo það ómaði um allan Austurvöll) plús það, að það voru töluvert fleiri mótmælendur á staðnum en þessi mynd segir til um...

Auðvitað eru Tómasardætur á myndinni alveg gull-fallegar (vantaði bara Þóru til þess að lýsa upp svæðið) en kannski vildi mbl.is spyrða mótmælin í heild sinni við þessa ákveðnu framtíðarstefnu sem þessar undurfögru (og flug-greindu!) kvenMenn aðhyllast (sem sagt að mbl.is vildi skilgreina mótmælin á Austurvelli fyrir okkur svo við getum ákveðið hvort við tækjum þátt í þeim í framtíðinni?)

En svo allt í einu átta ég mig á að myndvelj-andinn hefur malað þessa skák!

Í eldinum sem konurnar hafa kveikt má sjá Óðinn, hinn gamla guð landsins materíaliserast! Það fer ekki á milli mála að þarna er andlitssvipur hans jafn skýr og skyr á jakkafötum Geirs Hilmars!

 

Eru Tómasdætur ekki bara ramm-pólitískar, heldur ramm-göldróttar í þokkabót! ??? Og þá svona miklu göldróttari en Mamma Hauks? (sem gamli Dímoninn náði að svæfa áður en hún gat stunið upp þulunni... hún er náttúrulega, að eigin sögn, norn Mammons, svo það var nokkuð fyrirséð að hún færi ekki að særa út neina anda úr Seðlabankanum!)

Ef grunur minn reynist réttur ættu þeir sem ekki tóku ábyrgð á gjörðum sínum og vangjörðum að fara að vara sig! Hin helgu vé hafa verði aurugum fótum troðin og þursar halda til Valhöll. Óðinn mun kenna þeim Hávamál.

Líklegt er að Þór mæti á svæðið til þess að rakskella marvel-blaða-sölu-drenginn sem fer f-ljúgandi um heiminn á hans merkjum!

Pabba drengsa tekur svo Loki því Loki á lokaorðið í öllu sem snýr að lævísi og plotti. Loki sendir svo börnin sín á restina sem existerar... og þó fyrir utan einn hópinn; Hringadrottnararnir fá að vinna í Bónus það sem eftir er og "pressjus"-emjandi kvikindið úr Lord of The Rings les Hringadróttinssögu upphátt á pólsku fyrir þá til að drepa tímann!

Vekjaraklukka fyrir stjórnvöld