Eru ekki 15 mínúturnar liðnar ?

...annars er þetta ágætis náungi og kannski að maður kjósi hann í stað þess að skila auðu, en ef eitthvað byltingarkennt (* og þá með lýsingarorðunum: "undur og stórmerki") fer ekki að koma fram á sjónarsviðið bráðlega, þá sýnist mér að "nýju-íslandi" verði eytt í móðurkviði og gamla maskínan haldi bara áfram og áfram án nokkura framfara...

 

Framfaraflokkurinn fær listabókstafinn A

Athugasemdir

[Púkinn, 17.12.2008 kl. 15:20]

Því fleiri smáflokkar sem fá undir 5%, því fleiri atkvæði falla niður dauð og því meiri líkur eru á að núverandi stjórnarflokkar haldi sínu.

Hvað Sturlu varðar þá held ég nú að maður sem efnislega lýsti stríði á hendur þjóðinni, þegar hann stóð fyrir aðgerðum sem bitnuðu mest á hinum almenna borgara eigi nákvæmlega ekkert erindi á þing sem fulltrúi þjóðarinnar.

[Alexander X, 17.12.2008 kl. 16:04]

...jú, dauðinn fellst í fjölbreytninni að þessu leiti. Ég var bara að vona að það birtust einhverjir/jar sem skæru sig virkilega úr... að tilgangurinn með fallinu væri sá að skapa pláss fyrir nýtt hugmyndakerfi (sem ég veit auðvitað engin deili á ennþá). En kannski eru þessar tvær stefnur: hægri - vinstri (og á milli þeirra) einu áttirnar til að fara í ? 

"Hvað Sturlu varðar" þá er það auðvitað bara sjálfsblekkingu hans skartað fyrir alþjóð (vonandi fer meinyrt fólk ekki að ráðast á hann eins og á Ástþór). Hann vill vel, en hann er bara á leikskólalevelinu hvað stjórnmál varðar.

[Kolbrún (IP-tala skráð) 17.12.2008 kl. 16:53]

Alveg fráleitt. Svona framboð er bara bull og mjög van hugsað að vera með enn eitt  ör-framboðið. Öflug hreyfing "Nýtt Ísland" er það sem við þurfum og ef ekkki tekst samstaða um breiðfylkingu, sem hefur að skipa afburða fólki í framlínu, þá erum við betur sett að gera " Vinstri græna" að stórveldi og vona og treysta á að þeir vandi sig sem mest og best í að koma á nýrri og betri skipan með nýjum og vandaðri vinnubrögðum,en hér hafa tíðkast til margra ára,hjá valdhöfum þessa lands.

Baráttukveðjur,

Kolbrún

[Oskar Steinn Gestsson (IP-tala skráð) 17.12.2008 kl. 22:23]

Sammála púkanum, þetta er dautt framboð, svokallað 5% framboð, enda höfðar hamm ekki til fólks, ég upplifi hann sem æsingarmann þó það geti verið að hann meini vel. En klárlega vantar NÝTT afl sem getur boðið upp á nýtt hugmyndakerfi, allavega nýtt hér á Íslandi. Hægri Velferð, flokkur sem er hægra megin við miðju í efnahagsmálum, án þess að stíga fullt skref inn í frjálshyggjuna, en samt nógu vinstri sinnaður til að halda uppi og þróa stöðugt og batnandi velferðakerfi! Kvótakerfið, Hagsmunapólitík og einkavinahyggja eru DAUÐ mál. Svo mætti endurskilgreina forsetann og láta hann beita sér fyrir samningaviðræðum milli stríðandi fylkinga í heiminum, verð að gefa Ástþóri fullt kredit fyrir þær hugmyndir, þó ég myndi sennilega ekki kjósa hann til forseta. Það er svo margt hægt að gera sem núverandi ríkisstjórn GETUR EKKI séð vegna valdaþreitu.